Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев Шупашкар хулинчи Федерацин травматологи, ортопеди тата эндопротезировани центрĕнче регионсен хушшинчи "Пысăк сыпăсен эндопротезированийĕн çивĕч ыйтăвĕсем" ăслăлăхпа практика конференцие Раççейĕн 18 регионĕнчен пухăннă специалистсене саламланă.
Чăваш патшалăх оперăпа балет театрĕнче июнĕн 10-мĕшĕнче социаллă тытăм ĕçченĕсем хăйсен професси уявне паллă тунă. Савăнăçлă мероприятие Чăваш Ен Пуçлăхĕн тивĕçĕсене вăхăтлăха пурнăçлакан Михаил Игнатьев, ЧР Сывлăх сыхлавĕпе социаллă аталану министерствин тата унăн учрежденийĕсен, ĕçлев, пенси службисен, социаллă страхованин территори органĕн тата ытти учрежденисен представителĕсем хутшăннă.
Çĕнĕ çул уявĕ тата шкулсенче хĕллехи каникул çывхарнă май РФ Президенчĕ çумĕнчи ачасен правине хÿтĕлекен уполномоченнăй Павел Астахов пуçарнипе «Çĕнĕ Раççее - уяв чăрăшĕ» акци вăй илчĕ. Унăн тĕллевĕ - ДНР тата ЛНР ачисене Çĕнĕ çул парнисемпе чăн-чăн уявпа савăнтарасси. Сăваплă ĕçĕн партнерĕ Аслă Василий çветителĕн ыркăмăллăх фончĕ шутланать.
Октябрь уйăхĕн вĕçĕнче "Хыпар" издательство çурчĕн пресс-центрĕнче Чăвашстат ертÿçи Эльвира Максимова республикăри массăллă информаци хатĕрĕсен журналисчĕсемпе тĕл пулчĕ, Чăваш Енĕн социаллă пурнăçĕпе экономика аталанăвĕн кăçалхи тăхăр уйăхри кăтартăвĕсемпе паллаштарчĕ. Эльвира Геннадьевна демографи, мăшăрлану, миграци лару-тăрăвĕ çинче чарăнса тăчĕ, çавăн пекех потребитель рынокĕнчи хаксемпе, тулаш суту-илÿ çаврăнăшĕпе, выльăх-чĕрлĕх йышĕпе çыхăннă темăна çутатрĕ, халăхăн 2015 çулхи микро тата Пĕтĕм Раççейри ял хуçалăхĕн 2016 çулхи çыравĕсен ыйтăвĕсене хускатрĕ.
Чăвашла верси
Русская версия
