Хресчен сасси

4 Раштав, 2013

Патшалăхран пулăшу кирлех

РФ Патшалăх Думин депутачĕсем Правительство пуçлăхне Дмитрий Медведева агропромышленноç комплексĕнчи техникăна çĕнетес тĕлĕшпе сĕнÿ тăратнă. «Тракторсен - 70, комбайнсен 55 проценчĕ вунă çул ытла уй-хирте ĕçлет, чылай ĕçе пурнăçлаççĕ вĕсем. Çавăнпа часах çĕмĕрĕлеççĕ. Кун пек чухне ытларах механизаторсем нушаланаççĕ»,- тет Патшалăх Думин аграри енĕпе ĕçлекен комитет председателĕн çумĕ Надежда Школкина. 2014 çулхи кăрлачăн 1-мĕшĕнчен пуçласа техникăна çĕнетнĕшĕн ял хуçалăх таварĕ туса илекенсене федераци бюджетĕнчен 5 млрд тенкĕ субсиди уйăрма сĕнеççĕ депутатсем.

Хресчен сасси
Экономика
Çивёч ыйту
4 Раштав, 2013

Нумай ачаллă çемьесене - ĕне

Нумай ачаллă çемьесене патшалăх пулăшу парасси йăлана кĕчĕ. Иккĕмĕш пепке çуралсан е усрава илсен РФ амăшĕн капиталне, виççĕмĕш е ун хыççăнхи ачасемшĕн вара республикăри амăшĕн капиталне тивĕçет кил-йыш. Çакнашкал çемьесене çурт-йĕр çавăрма, хушма хуçалăха аталантарма е дача тума çĕр лаптăкĕпе те тивĕçтереççĕ. Унсăр пуçне кăçалхи кăрлач уйăхĕн 1-мĕшĕнчен виççĕмĕш е ун хыççăнхи ача çуратакан ?усрава илекен% çемьене хушма тÿлев лекет. Ăна уйăхсерен тÿлеççĕ, анчах та ку укçана çын пуçне тивекен тупăш çирĕплетнĕ виçерен иртмесен çеç параççĕ. Ăна ача виçĕ çул тултариччен илеççĕ.

Хресчен сасси
Çамрăксем
Пуçару
27 Чÿк, 2013

Пахча улпучĕ - купăста

Куславкка районĕнчи Кунерте купăста фестивалĕ иртрĕ. Юлашки çулсенче уява республика тулашĕнчен те хаваспах хутшăнаççĕ, хăйсен ĕç опычĕпе паллаштараççĕ. Ăна ку тăрăхри Василий Семенов фермер пуçарса янă. Ырă йăлана Куславккасем пăрахасшăн мар, çулсерен тĕплĕ хатĕрленсе ирттереççĕ.

Хресчен сасси
Çамрăксем
Куславкка районĕ
27 Чÿк, 2013

Вăрмана пăчăкăпа кĕреймĕн

Вăрманта йывăç касмалли хатĕрпе çÿрекене малашне административлă майпа явап тыттарĕç. Вăрман хуçалăхĕн федераци агентстви кодекса çакнашкал улшăнусем кĕртнĕ.

Саккуна пăсакана вырăнта тытса чарма çăмăл мар. Раççей вăрман хуçалăхĕ палăртнă тăрăх - хальлĕхе йĕркене пăсакансен 39 процентне çеç уçăмлатма май пур. Çĕнĕ улшăнусем вара çак киревсĕр йĕркепе кĕрешме пулăшасса шанать ведомство.

Хресчен сасси
Хула
Çут-çанталăк
27 Чÿк, 2013

Чăвашăн чаплă хĕрĕ

Чăваш Енре Вера Кузьминична Кузьмина ятне илтмен-пĕлмен çын çуках тăр. К. В. Иванов ячĕллĕ Чăваш академи драма театрĕн сцени çинче вăл 66 çул ĕнтĕ халăха савăнтаракан, кулянтаракан, шухăша яракан сăнарсем калăплать.

Хресчен сасси
Хула
Вера Кузьмина

Pages