Эрнекун, утă уйăхĕн 25-мĕшĕнче, васкавлă медицина пулăшăвĕн больницинче инкек пулнă. 5-мĕш хутри урологи уйрăмĕн чӳречинчен 71-ри арçын ӳкнĕ. Суранĕсене пула вăл çавăнтах вилнĕ.
Шупашкарти ку пăтăрмах тĕлĕшпе ЧР Сывлăх сыхлав министерстви тĕрĕслев пуçарнă. Пулни-иртни тĕлĕшпе прокуратура та кăсăкланнă. РФ СКна Чăваш Енри следстви органĕсем те следстви умĕнхи тĕрĕслев ирттереççĕ.
Шăмăршă районĕн прокуратури 29-ти çамрăк арçын тĕлĕшпе пуçарнă уголовлă ĕç тĕлĕшпе айăплав алă пуснă. Ăна нумай виçепе наркотиклă ӳсен-тăран пуçтарнăшăн, сутас тĕллевпе упранăшăн айăпланă.
Суд çирĕплетнĕ тăрăх, вăл пĕлтĕр авăн уйăхĕнче хăйĕн валли усă курмашкăн кантăр пуçтарнă. Полици ĕçченĕсем киле пырса тĕрĕсличчен ăна килĕнче упранă. Судпа хими экспертизи ӳсен-тăранра 14,95 грамм наркотик тупнă.
Канаш районĕнче пурăнакан 47 çулти арçынна патшалăх наградисене сутнăшăн айăпласшăн. Ун тĕлĕшпе РФ Уголовлă кодексĕн 324-мĕш статйипе килĕшÿллĕн уголовлă ĕç пуçарнă. Канаш район арçынни патшалăх наградисене Шупашкарти пасарта темиçе çул каялла туяннă.
Шăрăх кунсем пуçланчĕç те — çынсем шыв хĕрринелле туртăнма тытăнчĕç. Шел, путса вилекенсем те пур. Раççей МЧСĕн Чăваш Республикинчи тĕп управленийĕн пресс-служби пĕлтернĕ тăрăх, утă уйăхĕн 7-мĕшĕнче Муркаш районĕнче 2 çын шыва кĕнĕ чухне пурнăçран уйрăлнă.
Чăвашла верси
Русская версия
