Нарăс уйăхĕн 22-мĕшĕнче Шупашкарта Чăваш Енре мала тухассишĕн 10-12 çулхи арçын ачасемпе хĕрачасен хушшинче ăмăрту иртнĕ. В.Н. Кочков ячĕллĕ Олимп резервĕн спорт шкулĕн кавирĕ çинче 190 яхăн спортсмен ирĕклĕ мелпе кĕрешнĕ.
Паян, нарӑс уйӑхĕн 23-мĕшĕнче, Шупашкарти Хĕрлĕ лапамра Чӑваш Ен Пӑр кубокне ҫĕнсе илес енĕпе лаша ӑмӑртӑвĕ иртрĕ.
Асӑнӑ ӑмӑртӑва темиҫе ҫул ĕнтĕ В.И. Чапаев ячĕллĕ Етĕрнери ӑратлӑ лаша завочĕ ирттерет. Унта Чӑваш Ен, Тутарстан, Ульяновск, Финлянди юланутҫисем хутшӑнчĕҫ.
Раççей чемпионачĕн хăвăрт утассипе Сочире иртнĕ ăмăртăвĕнче Чăваш Енĕн пĕрлештернĕ команди пĕр «ылтăнпа» пĕр «бронза» çĕнсе илнĕ.
Нумаях пулмасть Шупашкарта ту çинчи спорт туризмĕпе В.Г. Кутузов ячĕллĕ республика шайĕнчи ăмăрту иртнĕ.
Чăваш Енри фристайл шкулĕн вĕренекенĕ Дмитрий Мулендеев Раççей Кубокĕн тапхăрĕнче каллех çĕнтернĕ. Хальхинче яш биг-эйр дисциплинăра палăрнă. Акăлчан чĕлхинчен куçарсан вăл пысăк вĕçев тенине пĕлтерет.
Чăвашла верси
Русская версия
