Ку ыйту хурт-хăмăрпа ĕçлекенсене çăвĕпех канăç памарĕ. Вăл утарçăсене çеç мар, ахаль çынна та пырса тивет. Пыл хакĕ самаях ÿсрĕ. Хурт-хăмăрçă пăшăрханса çапла пĕтĕмлетет: ăнăçу пулмарĕ.
Эпĕ 50 çул вĕлле хурчĕ тытатăп пулин те кун пеккине виççĕмĕш хут çеç куртăм.
Пÿлĕмре ÿстермелли пăрăç сорчĕ нумай. Ăна пăхма ансат, куçшăн та хитре. Унпа апат хатĕрленĕ чухне усă кураççĕ, сипленеççĕ те. Пăрăçăн апатра усă курман тĕсĕсем те пур, вĕсене илемĕшĕн ÿстереççĕ. Пÿлĕмри пăрăçăн илемĕ - хутаççи. Вăл тĕрлĕ формăллă пулать: конус евĕрли, груша пекки, çăмартана, кавăна, патиссона аса илтерекеннисем. Хутаç пысăкăшĕ те тĕрлĕ - 3-7 см. Сарă, хĕрлĕ, фиолет, симĕс, хĕрхĕлтĕм - тĕсĕсем асамат кĕперĕннинчен те иртеççĕ. Пăрăç хутаççисем харăс пиçмеççĕ, пĕрин хыççăн тепри çитĕнсе пулса пынине пула пăрăç тĕмĕ яланах çимĕçлĕ те илĕртÿллĕ, капăр курăнать.
Тĕлĕнмелле мар-и? Хăшĕ-пĕри ачисене тăван чĕлхепе калаçтармасăр, «Чăваш чĕлхи Канашран иртсен тек кирлĕ мар», - тесе сăмса каçăртса каппайланса çÿренĕ вăхăтра ытти халăх çыннисем пирĕн çепĕç чĕлхемĕрпе интересленеççĕ, йăла-йĕркене тĕпчеççĕ, историпе культурăна тишкереççĕ.
Кулăш туйăмĕ пур, хастарлăхĕ тапса тăрать... Çапла хакламалла иртнĕ шăмат кун тĕп хулари Ухсай Яккăвĕ ячĕллĕ культура керменĕнче пулнă КВН вăййин регионсен хушшинчи "Столица" лигин финалне хутшăннисен ĕçне.
Никита Васильев Казахстан çеçен хирне курнă хыççăн Владивостока çитесшĕн
Чăваш велоçÿревçи Никита Васильев пирки эпир çырнăччĕ. 23 çулти яш 14 уйăхра çĕршывăмăрăн тĕрлĕ кĕтесĕнче çеç мар, Азербайджанри, Грузири, Арменири тĕрлĕ хулара пулса курнă. Икĕ кустăрмаллă ут çине лариччен вăл çуран çÿренĕ. Çапла Украинăпа Беларуçа курса çаврăннă, Кавказ çĕрĕнче пурăнакан халăхсен йăли-йĕркипе паллашнă Никита тепĕр çул çÿреве каяссине те пĕлтернĕччĕ. Юпа уйăхĕн 17-мĕшĕнче вăл çула тухнă. Тĕллевĕсем пысăк унăн: каччă Казахстан çеçен хирĕпе киленсе Узбекистана, Таджикистана, Кăркăсстана çитесшĕн. Унта хĕл каçнă хыççăн Байкал тăрăхне кайса курасшăн. Çĕпĕр урлă Владивостока çул тытма палăртнă вăл.
Çăхав... Сăмахĕ мĕне тăрать? Çан-çурăма сив шатри кăларать. Элĕк районĕнчи Чăваш Сурăм шкулĕн директорĕ Зоя Васильева тĕлĕшпе те юлашки вăхăтра, тĕрĕсрех каласан, иртнĕ суйлавра районти депутатсен пухăвĕн депутачĕ пулса тăнă хыççăн, çине-çине çăхав çыракансем тупăннă.
Чăваш эстрада тÿпине ФАРИДА таçти инçет уçлăхран вĕçсе килнĕ комета евĕрех илемлетсе çутатрĕ. Ун кăкăрĕнчен шăранса тухакан илĕртÿллĕ сассин техĕмĕ ытти юрăçран самаях уйрăлса тăрать.
«Ĕне пуррин сăй та пур», - тет чăваш. Мĕн авалтанпах ял-салара пурăнакана çак выльăх тăрантарнă. Хуçалăхра ĕне пулсан сĕтел çинче сĕт-çу та, аш-пăш та, кĕсьере тыткаламалăх укçа та пур. Елчĕк районĕнчи Тăрăм ял тăрăхĕнчи Тăрмăш, Хĕрлĕçыр, Тип Тимеш ялĕсенче сăвакан ĕнесен шучĕ ÿснĕ кăçал.
Алă ăстисем Турăран. Пĕрисем çак пултарулăха пытарма тăрăшаççĕ, теприсем ăна çине тăрсах аталантараççĕ. Хăпартлануллă кăмăлпа савăнăç парнелекен юратнă ĕç тупăш та кÿрет. Чылай чухне укçи пĕлтерĕшлĕ мар-ха. Чи кирли - алăпа тунă ĕçсем пĕлĕшсене, тăвансене савăнăç кÿни.
СУРСКИЙ РУБЕЖСКИЙ
Чăвашла верси
Русская версия
