Архив - Июл 2017

Хăшĕ-пĕри кăткăсене усăллă кăпшанкă тесе тĕкĕнмест. Чăнах та кăткă хурт-кăпшанкă çăмартисене, хуртсене тапăнать. Анчах та пахча кăткисем ытларах сиен кÿреççĕ. Вĕсем уй пыйтине [тля] ĕрчетеççĕ, тĕрлĕ инфекци чирĕсене сараççĕ.

Çак кăпшанкăпа кĕрешмелли мелсем нумай пулин те унран хăтăлма çăмăлах мар. Пĕр çĕртине пĕтеретĕн, кĕçех тепĕр çĕрте кăткă чупма пуçланине куратăн. Хăшĕ-пĕри халăх меслечĕсемпе кĕрешет, хăшĕсем «химие» ытларах кăмăллаççĕ.

Хăй аллипе пахча çимĕç ÿстерме пуçланă тапхăртанпах этем çум курăкпа кĕрешет. Çумлатпăр та ăна, матиклетпĕр те, вăл пур пĕр талпăнса тухать. Хальхи вăхăтра çум курăкран хими пулăшнипе хăтăлма пулать.

Гербицидсене пысăк икĕ пая уйăраççĕ.

1. Пĕтĕм курăка пĕтерекеннисем.

2. Уйрăм тĕслĕ курăксене хăртаканнисем.

Гербицидсем витĕмĕ тĕлĕшĕнчен те тĕрлĕрен. Виçĕ пая кĕртеççĕ. 1. Ÿсен-тăран çулçине лексе витĕм кÿрекеннисем. 2. Тымара тата шăтма пуçланă вăрлăха наркăмăшлаканнисем. 3. Системăллă сарăлаканнисем.

2012 çулта Раççейри механизаторсем малтанхи хут Краснодар крайĕнче сухаçăсен ăмăртăвне пуçтарăннă. Кайран вăл Ростов, Владимир, Саратов, Тюмень тата ытти облаçра иртнĕ.

Ака-суха вĕçленсен, акни-ларт­ни шăтса тухсан «Уй кунĕ» республика куравне йĕркелесси йăлана кĕнĕ ĕнтĕ.

Утă уйăхĕ – выльăх апачĕ хатĕрлемелли вăхăт. Шупашкар районĕнчи Атайкассинче хĕрÿ тапхăр пуçланнине анлă паллă турĕç.

Çĕртме уйăхĕн 28-мĕшĕнче РФ Оборона министерствинче Чăваш Енре тума палăртнă кадет корпусне пулăшасси çинчен калакан тăватă енлĕ килĕшĕве алă пуснă.

Хальхи вăхăтра ача-пăча вĕрентÿ туризмне аталантарасси пирки çивĕч калаçаççĕ. Чăн та, пĕлÿ илесси хаваслă канупа, ÿт-пĕве пиçĕхтерессипе кунта сăмах — вăйă-ăмăртуллă экскурси-походсем çинчен çыхăнуллă пулса пыни ачан пĕтĕмĕшле аталанăвне ырă витĕм кÿрет. Пушă вăхăта усăллă ирттерни кăна мĕне тăрать!