Архив - Апр 2017 - Хыпар

Ака уйăхĕн 4-мĕшĕнче Чăваш Ен Пуçлăхĕ, РФ Патшалăх Канашĕн консультаци комиссийĕн членĕ Михаил Игнатьев Мускавра РФ Патшалăх Канашĕн ĕç ушкăнĕн иккĕмĕш ларăвне ертÿçĕ пек ирттернĕ.

Чир-чĕр çынна кăна мар, выльăх-чĕрлĕхе те самай çулăхать. Юлашки çулсенче Африка мурĕ нумай калаçтарать. Унпа кил тата хир сыснисем кирек хăш вăхăтра та чирлеме пултараççĕ. Ăçтан тупăннă-ха çав амак? Чи малтан унпа 1903 çулта Кăнтăр Африкăри хир сыснисем чирленине тупса палăртнă. 1957 çулта вăл Португалие, 1960 çулта Испание çитнĕ. Ерекен чире сараканни — asfarviridae йышне кĕрекен вирус.

Кирек мĕнле ашшĕ-амăшĕ те ачине яваплăха туйтарасшăн. Эпир, çитĕннисем, çирĕп ыйтнине пурнăçлать пулсан вăл яваплă тесе пĕтĕмлететпĕр. Çапах ача ÿснĕçемĕн аслисен кашни ыйтăвне хăлхана чикмесен те пултарать. Мĕншĕн? Унăн яваплăх туйăмĕ чакнипе-и? Ахăртнех, апла мар. Паян ачасене «тивĕç», «яваплăх» ăнлавсене пуçра ялан тытма мĕнле хăнăхтармалли çинчен калаçăпăр. Ыйтусен хуравне тупма пире Ирина Изатуллаева психолог пулăшĕ.

Юлашки çулсенче çĕршывра ача усрава илнĕ çемье самай йышланчĕ. Çапла, патшалăх учрежденине лекнĕ тăлăхсемпе ашшĕ-амăшĕн хÿтлĕхĕсĕр юлнă ачасем обществăна юрăхлă граждансем пулса çитĕнччĕр тесен вĕсене çемьесене вырнаçтарни — пĕртен-пĕр тĕрĕс çул.

Вăрçă пуçланнă кун Галина Сергеева 14-ри хĕрача пулнă. 7-мĕш класс пĕтернĕскер малалла вĕренме ĕмĕтленнĕ. Тăван ялта вăтам шкул пулманран е район центрне Вăрмара, е Кавал ялне каймалла пулнă. Анчах çутă ĕмĕтне вăрçă татнă. Эпĕ Галина Александровнăран хăрушă çав хыпара вăл епле пĕлни пирки ыйтрăм.

Салтак мăшăрĕ Галина Николаева.

Паттăр салтак Алексей Николаев.

ФОТОРЕПОРТАЖ

Лайăх политик, ĕçчен те пултаруллă йĕркелÿçĕ, пурнăçа юратакан çын, шанчăклă юлташ… Çак сăмахсем — Чăваш Республикин виççĕмĕш тата пиллĕкмĕш суйлавсенчи Патшалăх Канашĕн депутачĕ Игорь Кушев пирки.

(Ача чухнехи)

...Алăк патĕнчи вырăн çинче анне выртать. Вăл ĕнтĕ тахçантанпах чирлĕ. Тулта çанталăк асар-писер чухне вăл вырăн çумне анса ларать. Сывлаймиех пулса ларнăскер, хăйне валли Турăран вилĕм яма ыйтать.

Аппа пÿрте кĕрсен тумтирне хывичченех аннен урисене тытса пăхать. Хăш чухне анне вилсех каять пек, вара аппа унăн урисене тытса хытах силлет. "Ан вил, - йăлăнать вăл. - Уç куçусене". Темиçе хутчен те пулнă ун пекки. Паян та акă, анне нимĕн чĕнменнине кура, аппа ун патне пычĕ. ...