Этемлĕхĕн вăйлă çурри авалтанах апат пĕçернĕ çĕрте тăрăшнă. Ун чухнех вĕсене повар ĕçĕ илĕртнĕ. Сăмахран, "Оливье" салат авторĕ Люсьен Оливье - арçын. Халĕ те тĕрлĕ кафе-ресторанта шеф-поварта ытларах арçынсем ĕçлеççĕ. Тĕп хулара пурăнакан Александр Гониашвили те повар.
Чунпа тасалма, кăмăла çирĕплетме, малашлăха шанчăкпа, ĕненÿпе утма, мĕн пурришĕн тав тума, пуррине упрама - тивлет, усалтан пăрăнма вăй-хал пиллет чиркÿ. Августăн 9-мĕшĕнче те чун апачĕшĕн тунсăхласа утрăм унта.
Рулĕ умне ларса хирелле вĕçтернĕ май хăрах алăллă /вăл та пулин кăлтăк/ трактористăн пуçне мĕнле шухăшсем кĕнине пĕлейместĕп, анчах чунĕ юрланине пĕр иккĕленмесĕрех калатăп. Улатăр районĕнчи Çĕнĕ Эйпеçри Андрей Еливанов сусăррине пăхмасăр тулли пурнăçпа киленме, ĕçлеме пултарать.
Пăрачкав районĕнчи Кудеиха салинче çуралса ÿснĕ Федор Артемьева 1945 çулхи февраль уйăхĕн 27-мĕшĕнче Совет Союзĕн Геройĕн ятне панă. Унпа пĕрлех Ленин орденĕпе тата «Ылтăн Çăлтăр» медальпе чысланă.
Мĕн ĕлĕк-авалтанах вĕрÿ-суруçа ĕненнĕ. Халĕ те çаплах, тухтăр сиплеймен чир-чĕре сыватма ăрăмçă патне каяççĕ. Нуша килсен пуçа пушмак тăхăннă тет. Çапла, хăрушă амака пула çĕçĕ айне кĕрсе выртиччен карчăк патне кайни лайăхрах тесе шухăшлать хăшĕ-пĕри.
Интернетри пĕр сайтра мĕнлерех арçынпа паллашнине çырса кăтартмасăр чун чăтмарĕ. Малтанах çакă мана килĕшрĕ, каярахпа шикленме тытăнтăм, халĕ курас килми пулчĕ. Ара, çепĕç сăмахсене ир те каç итлеме кашни хĕрарăмах хавас эпир.
Çĕршыври регионсенче тухса тăракан 10 пичет кăларăмĕ кăна 2015 çулăн иккĕмĕш çурри валли вулакансен йышне хушма пултарнă. Вĕсенчен виççĕшĕ /!/ - Чăваш Республикинче пичетленекен кăларăмсем. Вĕсенчен пĕри, - "Çамрăксен хаçачĕ". Унсăр пуçне "Хыпар" Издательство çурчĕн "Хресчен сасси" хаçачĕпе "Тăван Атăл" журналĕ те çак наградăна тивĕçрĕç.
Кунта кунĕпех çын хĕвĕшет. Пĕрисем илеççĕ, теприсем сутаççĕ... Сентресем çинче мĕнле кăна тавар çук-ши? Куç умне чи хитрисене кăларса хунă та ÿкерчĕк çинчи пекех астараççĕ. Акă эпир, хаçат корреспонденчĕсем, унта та кунта темĕн шыраса утакан халăхпа пĕрлешсе кайрăмăр. Тавçăртăр пулĕ - эпир пасарта.
Чăвашла верси
Русская версия
