Чăваш наци музейĕнче регионсен хушшинчи «Ĕмĕрсен ылтăн-мерченĕ» костюмсен фестивальне ирттерме палăртнă. Халĕ çак управ ĕçченĕсем республикăра эпидемиологи лару-тăрăвĕ лайăхланасса, çавна май унпа çыхăннă чарусене сирессе чăтăмсăррăн кĕтеççĕ.
Ачасене хӳтĕлемелли тата Раççей кунĕсене халалласа Чăваш Республикин ачасемпе çамрăксен библиотеки «Читаем вместе - Пĕрле вулатпăр» виртуаллă поэзи фестивальне хутшăнма чĕнет. Çак мероприяти тĕллевĕ — Чăваш Енре пурăнакан тĕрлĕ национальноçсен поэтика ӳкерчĕкне хатĕрлесси.
Çак кунсене Чăваш патшалăх оперăпа балет театрĕнче Чăваш музыкин фестивалĕ иртет. Уяв нарăс уйăхĕн 27-мĕшĕнче гала-концертпа уçăлчĕ. Унта республикăри солистсем кăна мар, Раççейĕн тĕрлĕ регионĕнче, ют çĕршывра тĕпленнĕ йăхташăмăрсем те хăйсен пултарулăхне кăтартрĕç.
Шупашкарти ача-пăча тата çамрăксен библиотекинче авăнăн 2-6-мĕшĕсенче Андриян Николаев çуралнăранпа 90 çитнине халалланă фестиваль иртĕ.
Андриян Григорьевич — космоса вĕçсе хăпарнă виççĕмĕш космонавт, Совет Союзĕн икĕ хут Геройĕ, авиаци генерал-майорĕ, техника ăслăлăхĕсен кандидачĕ, çыравçă. Паллă ентешĕмĕр пек пулас тесен лайăх вĕренни çителĕксĕр. 3D-моделировани, электроника, радиотехника, программировании, космос техникине тишкермелле.
Чăвашла верси
Русская версия
Чăваш патшалăх оперăпа балет театрĕнче нарăсăн 3-21-мĕшĕсенче фестиваль иртет. Унăн программинче — чăваш авторĕсен чи лайăх классика произведенийĕсем.
