Савнă тăван кĕтесĕм

Мăкăрсем Канаш районĕ йĕркеленĕ «Урă ял» конкурсра çĕнтернине пĕлсен çак тăрăха çитсе килес шухăш çуралчĕ. Мана, чи малтанах, çакăнти халăх мĕнле пурăнни кăсăклантарчĕ. Ĕлĕк-авал кунта Мăкăр ятлă вăкăр пек вăйлă та хăватлă çын тĕпленнĕ теççĕ. Пулăхлă çĕршĕн çапăçакансене пурне те çĕнтернĕ вăл. Хальхи ăру та йăх пуçĕ пекех хастарлăхĕпе, пултарулăхĕпе, пуçарулăхĕпе ыттисенчен малта.