Комментировать

Ку çулла «Белые камни» физкультурăпа сывлăха çирĕплетекен центрта «Кĕпĕрнаттăр лагерĕ» ĕçлеме пуçлĕ. Ăна «Артек» майлă йĕркелĕç.

Çавна май лагерĕн логотипне хатĕрлеме конкурс пуçланă. Унта кирек кам та хутшăнаять. Логотипа ӳкерчĕк пек те, графика редакторĕпе усă курса та хатĕрлеме юрать. Кашни пайĕ мĕне пĕлтернине ăнлантарса çырни пулмалла. Эскиза «Белые камни» центр логотипне те, учреждени ятне те, Чăваш Республикин патшалăх символикине те, «Кĕпĕрнаттăр лагерĕ» сăмах çаврăнăшне те хушсан аван пулмалла. Ĕçсене çу уйăхĕн 6-мĕшĕччен belye.kamni@bk.ru электон адреспа е Шупашкарти Чапаев урамĕнче вырнаçнă 14-мĕш çуртăн 1-мĕш корпусĕнче кĕтеççĕ.

www.hypar.ru